الشهوة لا حل لها إلا بالصبر أو إشباعها بالحلال..
عارفين من هو أتعس مدمن للإباحية ؟!!
هو من ظن إن قربه من ربنا غير نافع في تعافيه
إنتم عارفين لماذا هو أتعس المدمنين ؟؟
لأن مدمن الإباحية لا تمر عليه لحظة إلا وهو حزين كئيب حاسس بالعار
ومفيش لحظة سعادة ممكن يحصلها إلا لو حس بقرب ربنا منه وإنه رحيم به وكريم وبيحبه يرجع له ويتوب له
حتى ولو ارتكب معاصي وذنوب كبيرة
كتير من المرضى بيخفي سلوكياته ومعاناته للتحرر منها عن الذين حوله
يا ترى من سيحكي له ؟
ومن سيناجيه ويشتكي له غير ربنا !!!
ساعات بتمر عليه لحظات بيحتاج يبكي ويصرخ ويرتمي في حضن واحد بيحبه ويقوله إنه غير قادر خلاص تعبت
نفسي أرتاح
مين هتقدر تفضفض معاه غير ربنا ؟؟؟
دي حقيقة مش رأي
هروبك منه غلط
ممكن اللي مانعك حياؤك منه أو خوفك منه ممكن !!؟؟؟
لكن كل حاجة بنخاف منها بنهرب منها إلا ربنا لما بنخاف منه بنهرب إليه
هو الذي قال في كتابه جل وعلا : ” ففروا إلى الله …”
النبي عليه الصلاة والسلام لما شاب غلبته شهوته راح يقول للنبي إئذن لي في الزنا !!!!
زيك دلوقتي لما بتشوف الإباحية بتلاقي نفسك محتاجة تعمل كده
طيب الشاب هذا لما راح للنبي تفتكروا راح ليه ؟
كان ممكن يزني وخلاص طالما ليست فارقة معاه
اعتقادي إنه تعبان وفي نفس الوقت خايف يقع في الزنا فيغضب ربنا .
الرسول حبيبنا صلى الله عليه وسلم حاوره حوارا لطيفا والصحابة قالوا له اسكت اسكت وزجروه طبعا .
لكن الرسول بخلقه وجماله قاله : قرب … قرب ♥
وقال له : أتحبه لأمك ؟ قال : لا والله جعلني الله فداءك ، قال : ولا الناس يحبونه لأمهاتهم ،…………. إلى آخر كلامه صلى الله عليه وسلم
ملاحظين الشاب بيقول إيه : لا والله جعلني الله فداك ، يعني أفديك بنفسي يا رسول الله
فغلبة الشهوة عليه لم تمنعه إنه يتمنى إنه يفدي رسول الله بروحه
ثم وضع يده عليه صلى الله عليه وسلم وقال : اللهم اغفر ذنبه و طهر قلبه و حصن فرجه .
وما كانت النتيجة ؟
فلم يكن بعد ذلك الفتى يلتفت إلى شيء.
كلنا نفسنا يبقى بيننا الرسول ونروح نشتكي له ويحاورنا ونتكلم معاه ويمسح بيده الشريفة على صدورنا ويدعلنا ربنا يطهر قلوبنا
لكن رسول الله مات وكان موته هو أكبر مصيبة ابتليت بها الأمة
ولكن الحمد لله إن كان محمدا صلى الله عليه وسلم قد مات فإن الله حي لا يموت
وبيده كل شيء ومفاتيح كل شيء
هو وحده الذي يقدر على إنه يدلك على أسباب تعافيك ويقدر يخليك تستفاد منها ويقدر يخليك تطبقها .
تقدر تدعيه وتشتكي له همومك هتحس براحة ولذة حتى لو عصيته
جرب تقرب منه وجرب تحبه وجرب تشتكي له
هتلاقي سعادة ونور جميل وسط كل هذه الظلمات
وأكيد هيجي يوم ومش هيرد دعاءك وهتفرح بإنك تكون عبد له وحده مش لحد تاني أو حاجة تانية
Related posts
شكرا , شكرا على مجهودكم لانقاذنا من الضياع و الضلال فعلا الاباحية العدو الأول للنجاح
اسـال الله أن يعافي كل مبتلى ,